العابدة
Admin
المساهمات : 266
تاريخ التسجيل : 01/11/2008
 |  موضوع: قصيدة( شعبى حبيبى) التى هزت عرش مصر  الإثنين نوفمبر 03, 2008 2:40 pm | |
|
يا شعبي حبيبي يا روحي يا بيبي
يا حاطك في جيبي يابن الحلال
يا شعبي يا شاطر يا جابر خــواطر
يا ساكن مقابر وصــــابر وعــــال
يا واكل سمومك يا بايع هـــــدومك
يا حامل همومك وشـــايل جبال
يا شعبي اللي نايم وسارح وهايم
وفي القبر عايم وحـــاله ده عـال
احبــــك محشش مفرفش مطنش
ودايخ مدروخ وأخر انســــــــطال
احبــــك مكبر دمـــــــاغك مخـــــدر
ممشي امورك كـــــــده باتكــال
واحب اللي ينصب واحب اللي يكدب
واحب اللي ينهب ويســرق تلال
واحب اللي شــــايف وعارف وخايف
وبالع لسانه وكاتم مــــا قـــــال
واحب اللي قافـــــــل عيونة المغفل
وأحب البهايم واحب البغـــــــال
واحب اللي راضي واحب اللي فاضي
واحب اللي عــــايز يربى العيال
واحب اللي يائس واحب اللي بائس
واحب اللي محبط وشايف محال
واحبك تســـــافر وتبعـــــد تهـــــاجر
وتبعت فلوسك دولار او ريـــــــال
واحبك تطبــــــــل تهــــلل تهبـــــــل
عشان مطش كورة وفيلم ومقال
واحبـــــك تأيــــــــد تعضض تمجــــد
توافــــق تنافــــق وتلحس نعــال
تحضر نشادر تجمـــــــع كــــــــــوادر
تلمــــــــع تجمع تظبط مجـــــال لكــــــــن لو تفــــــكر تخطط تقــــــرر
تشغلي مخــــــــك وتفتح جدال
وتبدأ تشاكل وتعمــــــل مشـــــــاكل
وتنكش مسائل وتســـأل سؤال
وعــــــــــــايز تنور وعــــــــــايز تطـــور
وتعمللي روحـــــك مفرد رجــــال
ساعتها حجيبك لا يمكن اسيبك
وراح تبقى عبرة وتصبح مثــــــــال
حببهدل جنابك واذل اللي جابك
وحيكون عذابك ده فوق الاحتمــال
وامرمط سعادتك واهزأ سيادتك
واخلي كرامتك في حـــــالة هزال
وتلــــــبس قضيـــــة وتصبح رزية
وباقي حياتك تعيش فــي انعــزال
حتقبل ححبــــــك حترفض حلبك
| |
|
